Jafnrétti kynja hvergi meira en hér

Jafnrétti kynjanna er hvergi meira en á Íslandi, að því er kemur fram í nýrri skýrslu Alþjóðaefnahagsráðsins, WEF. Er þetta í annað skipti sem Ísland er í efsta sæti á þessum lista ráðsins en fjögur Norðurlönd eru í næstu sætum.

WEF leggur mat á jafnrétti kynja í stjórnmálum, menntun, atvinnu og heilbrigðiskerfi í 134 ríkjum. Á vef BBC er haft eftir Klaus Schwab, stofnanda og stjórnarformanni WEF, að Norðurlöndin séu áfram í forustu í baráttunni fyrir fyrir jafnrétti kynja. Og lönd, sem þar eru framarlega hafi einnig mun betri samkeppnisstöðu í viðskiptum.

Frakkland lækkar mest á listanum milli ára og fer úr 18. sæti í fyrra í það 46. nú. WEF segir, að ástæðan sé sú að konum hafi fækkað mjög í ráðherrastólum frá því á síðasta ári.

Bandaríkin hækka hins vegar úr 31. sæti í það 19. vegna þess að konum fjölgaði þar í ríkisstjórn og einnig hefur dregið úr launamun kynjanna.  

Neðst á listanum eru Pakistan, Tsjad og Jemen.   

Efstu löndin: 

1. Ísland - óbreytt frá í fyrra
2. Noregur - úr 3. sæti í fyrra
3. Finnland - úr 2. sæti í fyrra 
4. Svíþjóð - óbreytt
5. Nýja-Sjáland - óbreytt
6. Írland - úr 6. sæti í fyrra
   
7. Danmörk - óbreytt
8. Lesótó - úr 10. sæti í fyrra
9. Filippseyjar - óbreytt 
10. Sviss - úr 13. sæti í fyrra.
    

• 3 blogg um fréttina

Bloggað um fréttina

• Jakobína Ingunn Ólafsdóttir: og spilling óþekkt á Íslandi
• Heimir Hilmarsson: Misrétti í sifjamálum meira á Íslandi en í nokkru öðru …
• Ómar Ragnarsson: Betur má ef duga skal.