Ekið á móti umferð

Lögeglan á höfuðborgarsvæðinu segir að í vikunni hafi athygli hennar verið vakin á þættinum „Auddi og Sveppi“ sem sendur var út á Stöð 2 síðastliðið föstudagskvöld, en þar ók þáttastjórnandi bifreið til austurs Bankastræti og Laugaveg á móti umferð auk þess að aka ítrekað upp á gangstétt. 

Var viðkomandi boðaður til skýrslutöku hjá lögreglu í dag vegna málsins. Segir lögregla að hann hafi játað brot sitt og megi búast við að þurfa að sæta sektum vegna þessa.    
 
Bendir lögregla á þá slysahættu sem í umferðinni sé og harmar svo ábyrgðarlaust atferli sem þáttastjórnandinn sýndi.
 

 

• 2 blogg um fréttina

Bloggað um fréttina

• Guðmundur Jónas Kristjánsson: Ekki sama hver brýtur lög ? Hvað með bíl utanríkisráðherra?
• Guðjón Petersen: Sýniþörf?