Munaði einungis 85 krónum

23% verðmunur reyndist vera á matarkörfunni þegar verðlagseftirlit ASÍ kannaði verð í matvöruverslunum síðastliðinn þriðjudag. Vörukarfan var ódýrust í Bónus þar sem að hún kostaði 6.879 kr. en aðeins 85 krónum dýrari í Krónunni.

Vörukarfan var dýrust í Nóatúni á 8.469 kr. Lítill verðmunur var á milli Kosts, Samkaupa Úrvals og Nóatúns en þar var karfan 20-23% dýrari en í Bónus og Krónunni. Munurinn á milli dýrustu og ódýrustu vörukörfunnar er 1.590 krónur, samkvæmt upplýsingum frá ASÍ.

Mestu munaði á verði á kínakáli og tannkremi

Mestur verðmunur í vörukönnunni var á kínakáli sem dýrast var á 399 kr./kg. í Hagkaupum og Nóatúni en ódýrast á 149 kr./kg. í Nettó eða 168% verðmunur. Mikill verðmunur var einnig á tannkremi frá Colgate sem var dýrast í Samkaupum Úrval en ódýrast í Krónunni en verðmunur var 166%.

 Sjá nánar á vef ASÍ.

• 3 blogg um fréttina

Bloggað um fréttina

• Eiður Ragnarsson: Þetta hef ég....
• Heimir Lárusson Fjeldsted: Krónan er krónunnar virði
• Haraldur Haraldsson: Munaði einungis 85 krónum/synir þetta ekki samkeppni??Kannski gott fyrir Bónushatra …