Ögmundur: Allir þurfa að hafa skilning á stöðu ríkissjóðs

Ögmund­ur Jónas­son,  sam­göngu- og sveit­ar­stjórn­ar­ráðherra, gerði fjár­hags­stöðu sveit­ar­fé­laga og rík­is­sjóðs að um­tals­efni í ræðu sinni á fjár­málaráðstefnu Sam­bands ís­lenskra sveit­ar­fé­laga í dag. Sagðist hann skilja vel áhyggj­ur sveit­ar­stjórn­ar­manna að sama skapi þurfi all­ir að hafa skiln­ing á stöðu rík­is­sjóðs. 

„Ég hef heyrt af áhyggj­um sveit­ar­stjórn­ar­manna um aukafram­lag Jöfn­un­ar­sjóðs á næsta ári og fram­lag sjóðsins vegna hækk­un­ar trygg­inga­gjalds. Þá hafa sveit­ar­stjórn­ar­menn haft áhyggj­ur af mikl­um vexti í út­greiðslu húsa­leigu­bóta og end­ur­greiðsla rík­is­ins gegn­um Jöfn­un­ar­sjóð á næsta ári verði ekki fylli­lega í sam­ræmi við sam­komu­lag um aukn­ar húsa­leigu­bæt­ur frá vor­dög­um 2008.

Ég skil vel þess­ar áhyggj­ur sveit­ar­stjórn­ar­manna en við þurf­um að sama skapi öll að hafa skiln­ing á stöðu rík­is­sjóðs.

Hann býr við afar þröng­an kost, fyr­ir ligg­ur áfram­hald­andi niður­skurður sem verður sam­kvæmt fjár­lag­frum­varp­inu um 33 millj­arðar á næsta ári og því verða all­ir fyr­ir barðinu á því, því miður líka sveit­ar­fé­lög­in í land­inu," sagði Ögmund­ur meðal ann­ars í ræðu sinni í dag.

Sjá ræðuna í heild

• 5 blogg um frétt­ina

Bloggað um frétt­ina

• Ægir Óskar Hall­gríms­son: All­ir..!!
• Heca­dem­us: For­gangs­röðun
• Viggó Jörgens­son: Skiln­ing á kröf­um ESB og AGS.
• Ólaf­ur Ingi Hrólfs­son: Skiln­ing­ur - skiln­ings­leysi
• Har­ald­ur Har­alds­son: Ögmund­ur: All­ir þurfa að hafa skiln­ing á stöðu rík­is­sjóðs/​en það …