Fáir ánægðir með ákvörðun Alþingis

Fram kemur í nýrri Gallup könnun að aðeins einn af hverjum tíu sé ánægður með niðurstöðu Alþingis um að draga Geir Haarde, fyrrverandi forsætisráðherra, fyrir landsdóm. Greint er frá þessu á vef RÚV.

Þá kemur fram að átta af hverjum tíu séu óánægðir með þá ákvörðun þingsins að höfða aðeins mál á hendur Geir, en ekki gegn þeim Ingibjörgu Sólrúnu Gísladóttur, Árna Mathiesen eða Björgvini G. Sigurðssyni.

Í könnuninni kemur fram að aðeins fimmtungur af stuðningsmönnum ríkisstjórnarinnar lýsi ánægju með niðurstöðu Alþingis en tveir af hverjum þremur stuðningsmönnum ríkisstjórnarinnar séu á öndveðum meiði.

Þá segir að nánast allir þeir, sem ekki styðji stjórnina, séu hins vegar óánægðir.

• 3 blogg um fréttina

Bloggað um fréttina

• Páll Vilhjálmsson: Reiðialdan í upphafi þings
• Sigurður Þorsteinsson: Niðurlæging Alþingis
• Sigurður Jónsson: Nánast allir sjá fáránleikann og pólitíkina í að ákæra Geir.