Mörður spyr á ný um eignarhald í útlöndum

Mörður Árnason, þingmaður Samfylkingarinnar, hefur að nýju lagt fram fyrirspurn um hlutdeild Íslendinga í erlendum sjávarútvegsfyrirtækjum. Í fyrra skiptið var spurningin lögð fyrir sjávarútvegsráðherra sem hafði engin svör. Nú er það efnahags- og viðskiptaráðherra að svara.

Mörður lagði fyrirspurn sína fyrri fyrir sjávarútvegs- og landbúnaðarráðherra 6. október sl. en fékk þá það svar 18. október að ráðuneytið hefði engar upplýsingar um efni fyrirspurnarinnar og bæri ekki að lögum að safna slíkum upplýsingum og gæti því ekki svarað fyrirspurninni.

Spurningarnar eru sem fyrr tvær:

1. Hvað eiga íslenskir einstaklingar og lögaðilar mikið í erlendum sjávarútvegsfyrirtækjum? Hver eru fyrirtækin, hvar starfa þau, hver er hlutur Íslendinga í þeim, hvenær eignaðist íslenski aðilinn fyrst hlut í fyrirtækinu og hvers virði er heildarhlutur Íslendinga í fyrirtækjunum talinn?

1. Hver eru tuttugu umsvifamestu fyrirtækin að fjórðungi eða meira í eigu Íslendinga (velta) og hverjir eru tuttugu helstu eigendur erlendra sjávarútvegsfyrirtækja hérlendis (miðað við veltu fyrirtækis og hlut)?

• 2 blogg um fréttina

Bloggað um fréttina

• Björn Finnbogason: Vin minn vantar þægilegt starf!!!
• Jakobína Ingunn Ólafsdóttir: Mörður skeleggur