Fulltrúar á fundi ASÍ „tunnaðir“

Hópur mótmælenda hefur komið sér fyrir utan Hótel Hilton þar sem fram fer ársfundur Alþýðusambands Íslands. 

„Má ég biðja um hljóð í salnum,“ sagði Sigurður Bessason, formaður Eflingar, þegar hann hóf ræðu sína um kjaramál, en nokkurt skvaldur var í þingsalnum þegar hann hóf ræðu sína. Hann bætti svo við að hann gerði sér grein fyrir að ekki væri hægt að fá algjört hljóð í salnum. Þingfulltrúar heyra vel í tunnunum sem barðar eru við fundarstaðinn.

Umræður um kjaramál eru að hefjast á ársfundinum og setja mótmælin ákveðin svip á fundinn. Sumir ræðumenn hafa vísað til mótmælanna í ræðum sínum.

Mótmælendur berja tunnur fyrir utan ársfund ASÍ. mbl.is/Kristinn

• 1 blogg um fréttina

Bloggað um fréttina

• Sigurður Haraldsson: Glæsilegt hjá ykkur!