Bíll valt og brann á Blönduósi

Bíll valt skammt norðan við flugvöllinn á Blönduósi á níunda tímanum í kvöld. Í bílnum voru þrjár ungar stúlkur, engin þeirra er slösuð samkvæmt upplýsingum frá lögreglunni á Blönduósi.

Þær hafa verið fluttar með sjúkrabíl til aðhlynningar á sjúkrahúsið á Blönduósi.

Eftir að stúlkurnar voru komnar út úr bílnum og vegfarendur höfðu komið á vettvang, kom upp eldur í bílnum. Slökkvilið staðarins kom strax á vettvang.

Afar hált er á þessum slóðum og vill lögreglan benda ökumönnum á að fara varlega.

Frá vettvangi í kvöld.

• 1 blogg um fréttina

Bloggað um fréttina

• Viggó Jörgensson: Þyrfti að rannsaka eldsupptök. Herða á skoðunum.