Innlent | Morgunblaðið | 26.10.2010 | 5:30

Safna undirskriftum gegn Agli

Gillzenegger. mbl.is/Golli

Hafin er undirskriftasöfnun á netinu gegn því að Egill Einarsson, betur þekktur sem Gillzenegger, verði meðhöfundur símaskrárinnar árið 2011.

Á undirskriftasíðunni segir að þeir sem skrifi nafn sitt undir óski eftir að skrá nafn sitt úr símaskránni. Það sé ekki fyrirtækinu til framdráttar að velja mann til verksins sem sé einkum þekktur fyrir kvenfyrirlitningu og yfirlýsingar sem niðurlægja karla sem uppfylli ekki staðlaðar ranghugmyndir um karlmennsku.

Sigríður Margrét Oddsdóttir, framkvæmdastjóri Já.is, segir í Morgunblaðinu í dag, að tekið á móti af- og nýskráningum á hverjum degi en sterk viðbrögð hafi borist um helgina frá fólki sem er ósátt við framferði Egils.