Slapp ómeidd í hálkuóhappi

Ólína Þor­varðardótt­ir, þingmaður Sam­fylk­ing­ar­inn­ar, slapp ómeidd eft­ir að hafa misst bíl sinn útaf veg­in­um við Munaðarnes í Borg­ar­f­irði í gær­kvöldi. Mik­il hálka var á þess­um slóðum en Ólína var að fara fram úr ann­arri bif­reið þegar óhappið varð. Hún grein­ir frá þessu á bloggvef sín­um á Eyj­unni.

„Þess­ar sek­únd­ur (eða mín­út­ur) sem liðu frá því bíll­inn fór að rása með vax­andi slink, þar til hann hafnaði úti í móa eft­ir að hafa farið tvo heila hringi á flug­hálum veg­in­um – þær voru eins og heil ei­lífð. Und­ar­legt hvað hug­ur­inn var samt rór og grein­andi meðan á þessu stóð. „Á ég að láta hann fara út af? Nei ég reyni einu sinni enn að halda hon­um inni á . Úff, þetta er orðið stjórn­laust, hann tek­ur hring –  best að fylgja hreyf­ing­unni og reyna svo að stefna hon­um út af veg­in­um. Nú, ann­ar hring­ur – hvar end­ar þetta. Nú velt ég!“

Sver það, þetta var ég að hugsa meðan á þessu stóð. En bíll­inn valt ekki – hann endaði á hjól­un­um og í gangi u.þ.b. 20 metra frá veg­in­um, bíl­ljós­in þvert á veg­stefn­una.

Ég var sum­sé á leið heim frá Blönduósi í kvöld­myrkr­inu, eft­ir fund með sveit­ar­stjórn­ar­mönn­um þar í dag, var kom­in í námunda við Munaðarnes í Borg­ar­f­irði og ætlaði að taka fram úr öðrum bíl sem var á ró­legri ferð. Það var ekki nokk­ur leið að átta sig á þeirri flug­hálku sem skyndi­lega hafði mynd­ast þarna. Að vísu gaf hita­mæl­ir­inn í bíln­um vís­bend­ingu, því hann féll úr 3° niður í -1° á skömm­um tíma án þess að ég tæki eft­ir því fyrr en of seint.  En ekki hafði ég fyrr tekið í stýrið til að taka fram úr en bíll­inn fór að rása. Það var mildi að ég skyldi ekki slengj­ast utan í hinn bíl­inn – en það slapp til.

Mann­greyið í þeim bíl fylgd­ist skelf­ingu lost­inn með þess­um darraðardansi góða stund áður en ég endaði ut­an­veg­ar. Þegar ég hafði jafnað mig, prófaði ég að aka bíln­um af stað og upp á veg­inn – og það gekk. Merki­legt nokk, þá virðist ekk­ert að bíln­um (þetta er 10 ára gam­all jeppi sem greini­lega þolir ým­is­legt). Ég lét mann­inn vita að allt væri í lagi með mig, og við héld­um bæði leiðar okk­ar," skrif­ar Ólína.

• 3 blogg um frétt­ina

Bloggað um frétt­ina

• Birg­ir Þór Braga­son: Rangt!
• Davíð Þ. Löve: Varstu ekki á nagla­dekkj­um?
• Ragn­heiður : Og ég ætlaði að blogga um hversu ynd­is­lega seinn vet­ur­inn …