Samfelld saga urriða í fjögur ár

Í tólf ár hafa verið stundaðar umfangsmiklar rannsóknir á lífi stórurriðans í Þingvallavatni með flóknum merkja- og tækjabúnaði.

Lengstu samfelldu ferlarnir fyrir einstakan fisk eru fjögur ár. Jóhannesi Sturlaugssyni hjá Laxfiskum, sem annast rannsóknirnar, er til efs að saga villts fisks hafi í annan tíma verið skráð svo nákvæmlega svo lengi. Í þessum rannsóknum veiddi Jóhannes sama fiskinn átta haust í röð, að því er fram kemur í umfjöllun um þetta mál í Morgunblaðinu í dag.