Eldsvoði við Eirhöfða

Allt tiltækt lið slökkviliðs höfuðborgarsvæðisins var kallað út rétt fyrir klukkan eitt í nótt vegna eldsvoða sem kom upp í verkstæði við Eirhöfða í Reykjavík. Samkvæmt upplýsingum frá slökkviliðinu var enginn inni í húsnæðinu er eldurinn kom upp, en talið er að kviknað hafi í bíl innandyra og eldurinn borist í þak hússins.

Erfiðlega gekk að komast að eldinum og var slökkviliðið enn að störfum klukkan sex í morgun. Tjón er talið töluvert, en rífa þurfti þak hússins.