Holtavörðuheiði ekki fær fyrr en á morgun

Holtavöruheiði er ófær, þar er stórhríð og mikill hálka, ekki verður reynt að opna fyrr en í fyrramálið, samkvæmt upplýsingum frá Vegagerðinni. Hálkublettir er á Hellisheiði. Á Vesturlandi er hálka og skafrenningur á Bröttubrekku. Hálka er á Fróðárheiði og á Vatnaleið annars hálkublettir mjög víða.

Á Vestfjörðum er hálka og skafrenningur á Steingrímsfjarðarheiði, hálka og éljagangur í Ísafjarðardjúpi. Ófært og óveður er á Þröskuldum og beðið með mokstur. Hálka og óveður er á Gemlufallsheiði. Á Sunnanverður Vestfjörðum er hálka og snjókoma á Hálfdán, á Klettsháls er þungfært og óveður en hálkublettir á öðrum leiðum. Ófært er á Hrafnseyrarheiði og þungfært á Dynjandisheiði.

Á Norðurlandi er mikill hálka í Hrútafirði og skafrenningur. Hálka og stórhríð er frá Hofsós í Ketilás. Hálka og skafrenningur er á Vatnsskarði og á Þverárfjalli. Hálka er á Öxnadalsheiði. Á Austurlandi er hálka á Fjarðarheiði og hálkublettir á Vatnsskarði eystra og á Oddskarði. Þungfært er á Öxi og á Breiðdalsheiði.

Á Suðausturlandi eru vegir auðir.

• 2 blogg um fréttina

Bloggað um fréttina

• Ólafur Ingi Hrólfsson: Sjúkraflutningaveður
• Magnús Óskar Ingvarsson: Slöpp málkennd 11