Hugmyndir skoðaðar um lánalengingu

Jóhanna Sigurðardóttir, forsætisráðherra, sagði á Alþingi í dag að ein þeirra leiða, sem verið væri að skoða til að taka á skuldavanda væri að lengja lán heimilanna og draga þannig tímabundið úr greiðslubyrði.

Bjarni Benediktsson, þingmaður Sjálfstæðisflokksins, spurði Jóhönnu í upphafi þingfundar til hvaða úrræða ríkisstjórnin ætlaði að grípa í þessum efnum.

Fram kom hjá Jóhönnu, að til standi á mánudag að kynna fyrir fulltrúum stjórnarandstöðunnar skýrslu um þau úrræði sem fjallað hefur verið um að undanförnu. Um væri að ræða 9 megintillögur, sem hafa verið reiknaðar út. 

Sigmundur Davíð Gunnlaugsson, þingmaður Framsóknarflokks, spurði hvort ríkisstjórnin væri reiðubúin að breyta um stefnu í atvinnumálum og sagði að ella væri svokallað samráð við stjórnarandstöðuna þýðingarlaust. 

• 5 blogg um fréttina

Bloggað um fréttina

• Óðinn Þórisson: Næsti forsætisráðherra
• Sædís Ósk Harðardóttir: Enn á að lengja í hengingarólinni.
• Eiður Ragnarsson: Þá er það alveg ljóst.....
• Pálmi Hamilton Lord: Hvað mundi þau gera
• Sigurður Sigurðsson: Lengja í fokking ólinni