Mótmælendur halda heim á leið

Heldur er farið að fækka í hópi mótmælenda á Austurvelli og segir lögreglan á höfuðborgarsvæðinu að svo virðist sem fjari nú undan mótmælunum með kvöldinu. Talið er að um 300 mótmælendur hafi verið við Alþingishúsi þegar mest var í dag, þegar þingfundir hófust að nýju eftir nokkurt hlé.

Boðað var til mótmæla klukkan 14 og barst talsverður hávaði frá þeim inn í þingsal, enda börðu mótmælendur tunnur eins og á fyrri mótmælum. Lögregla stóð álengdar og fylgdist með en þurfti ekki að hafa afskipti af mótmælendum. 

• 3 blogg um fréttina

Bloggað um fréttina

• Jón Aðalsteinn Jónsson: Er allt í plati.
• Karl F Hólm: Mótmælin að breytast
• Sigurður Haraldsson: Næst þurfa að koma mun fleiri!