Hæfi Gunnars ekki dregið í efa

Stjórn Fjármálaeftirlitsins hefur lokið athugun á hæfi Gunnars Þ. Andersen, forstjóra stofnunarinnar, og sér hún ekki tilefni til að aðhafast frekar. Ekki er talin sérstök ástæða til að draga í efa hæfi Gunnars til að að gegna skyldum sem forstjóri Fjármálaeftirlitsins.

Meðal annars til að leggja mat á hæfi stjórnarmanna og framkvæmdastjóra fjármálafyrirtækja.

Fram kemur á vef FME að Andri Árnason hæstaréttarlögmaður hafi gert  sérstaka athugun á hæfi Gunnars að beiðni stjórnar FME „með hliðsjón af umfjöllun í skýrslu rannsóknarnefndar Alþingis um viðskipti Landsbanka Íslands hf. og félagsins LB Holding Ltd. með hlutabréf Kaupþings banka hf. á árinu 2001, og í tilefni af upplýsingum um viðskipti Landsbankans og félagsins NBI Holding Ltd. með hlutabréf í [V] á árinu 2001. Magnús G. Benediktsson, löggiltur endurskoðandi, vann einnig að athuguninni.“

Andri hefur nú skilað athuguninni til stjórnar og fjallaði hún um niðurstöður hennar á fundi sínum í dag. Í ljósi niðurstöðu athugunarinnar tók stjórnin ákvörðun um að ekki væri tilefni til að aðhafast frekar í málinu.

Nánar um niðurstöður FME.

Gunnar Þ. Andersen, forstjóri FME. mbl.is/Eggert

• 1 blogg um fréttina

Bloggað um fréttina

• Ólafur Ingi Hrólfsson: Rannsóknarnefnd.