Sjálfstæðir skólar passa betur upp á hverja krónu

Sjálfstætt starfandi leik- og grunnskólar eru ódýrari í rekstri fyrir sveitarfélögin en hinir opinberu. Í Reykjavík fá sjálfstætt starfandi skólar 69% af hlutfalli framlags borgarinnar til opinberra skóla.

Þetta kemur fram í nýrri skýrslu Hagfræðistofnunar Háskóla Íslands þar sem borinn er saman kostnaður sveitarfélaga við sjálfstætt starfandi skóla og opinbera.

Margrét Pála Ólafsdóttir, formaður Samtaka sjálfstæðra skóla, segir niðurstöðurnar til marks um það að sjálfstætt starfandi skólar fari betur með hverja krónu en þeir opinberu, að því er fram kemur í umfjöllun um þessi mál í Morgunblaðinu í dag.