Utanlandsferðir aftur inn

Greinilegt er að við efnahagskreppuna hafa Íslendingar dregið mjög úr flugferðum til útlanda árið 2009 og ferðast meira innanlands í staðinn. Á árinu 2010 dregur aftur á móti úr umferð frá því í fyrra og á sama tíma aukast aftur flugferðir til útlanda. Þetta bendir til þess að Íslendingar séu heldur bjartsýnni 2010 en 2009 um að kreppan sé á undanhaldi, að því er fram kemur í skýrslu könnun sem gerð vará ferðavenjum Íslendinga 2010 fyrir samgönguyfirvöld.

Töluvert hefur dregið úr notkun bæði innanlandsflugs- og utanlandsflugs í kreppunni, miðað við þenslutímann 2005 til 2007. Samkvæmt gögnum frá ISAVIA um fjölda flugfarþega innanland hefur þeim fækkað um fimmtung frá árinu 2007. Þetta kemur fram í niðurstöðum könnunar á ferðavenjum Íslendinga 2010 sem unnin var fyrir samgönguyfirvöld.

Brottfarir Íslendinga til útlanda með flugi frá Keflavík voru aldrei fleiri en árið 2007, eða 357.000 talsins á tímabilinu frá janúar fram í september. Þeim fækkaði snarlega eftir hrun og voru aðeins 194.000 á sama tímabili árið 2009, en það sem af er ári 2010 hefur þeim fjölgað að nýju og eru 219.000 talsins. Meðalfjöldi flugferða til útlanda árið 2007 var 1,9 ferð á mann. Það óx í 2,6 ferðir árið 2008, en féll aftur niður í 1,3 ferðir 2009 og 1,1 ferð árið 2010.

Skýrslan er unnin af Land-ráði sf í samvinnu við Miðlun ehf og er þetta í sjötta sinn sem könnun af þessu tagi er unnin fyrir samgönguyfirvöld.

• 2 blogg um fréttina

Bloggað um fréttina

• Sindri Karl Sigurðsson: Fréttamenn eru...
• Jón Aðalsteinn Jónsson: Ég er svo bjartsynn.