Reiknihópurinn er enn að „fínpússa“

„Það er ekki frágengið með fundinn. Þetta verður rætt á ríkisstjórnarfundi. Við erum að fara á Reykjanesið og ég á von á að þar verði ákveðið hvernig eigi að gera þetta.“

Þetta segir Guðbjartur Hannesson félagsmálaráðherra, í Morgunblaðinu í dag, aðspurður hvort ríkisstjórnin muni funda með hagsmunaaðilum vegna skuldavanda heimilanna í Þjóðmenningarhúsinu í kvöld, líkt og rætt hafði verið um.

„Þessi reiknihópur er að ljúka sinni vinnu en hann er enn að fínpússa. Það þarf fyrst að ljúka þeirri vinnu,“ segir Guðbjartur.