Játaði 50 milljóna fjárdrátt

29 ára gömul kona játaði í Héraðsdómi Reykjaness í morgun á sig fjárdrátt í opinberu starfi. Hún var þá starfsmaður sendiráðs Íslands í Vín í Austurríki. Fjárdrátturinn nam samtals rúmlega 50 milljónum króna.

Konan var sendiráðsfulltrúi í sendiráði Íslands í Vín í Austurríki og síðar stjórnarráðsfulltrúi og starfsmaður á rekstrar- og þjónustusviði utanríkisráðuneytisins. Hún er ákærð fyrir að hafa dregið sér og notað heimildarlaust í eigin þágu samtals 335.768 evrur. Hún millifærði í 193 skipti af reikningi í eigu íslenska sendiráðsins í Vínarborg, sem hún hafði prókúru fyrir, yfir á eigin bankareikning.

Hún lét einnig hjá líða að tilkynna að hún væri enn að fá staðaruppbót eftir að hún flutti heim frá Vín.

Konan játaði sakargiftir við þingfestingu málsins í morgun.

• 2 blogg um fréttina

Bloggað um fréttina

• Sigurður Haraldsson: Telur enn.
• Hörður B Hjartarson: Fjölgum og eflum sendiÓráðin ,