Ók á 120 km hraða á felgunni

Lögreglan á höfuðborgarsvæðinu stöðvaði för manns á Sæbraut í morgun eftir að hann hafði reynt að komast undan með því að aka á ofsahraða. Að sögn lögreglu fór hjólbarði af öðru framhjólinu í látunum en maðurinn hélt áfram og ók áfram á felgunni á allt að 120 km hraða.

Lögreglan ætlaði að stöðva för mannsins við Vatnsmýrarveg í morgun en hann sinnti þá ekki stöðvunarmerkjum og ók á ofsahraða eftir Hringbraut og síðan áfram inn á Sæbraut. Þar tókst lögreglumönnum að stöðva bílinn með því að aka á hann.

Að sögn lögreglu er talið að ökumaðurinn sé á þrítugsaldri.  Maðurinn var í annarlegu ástandi og var fluttur í fangageymslur. Hann verður yfirheyrður síðar í dag.

• 1 blogg um fréttina

Bloggað um fréttina

• Bergljót Gunnarsdóttir: Á felgunni - á felgunni