„Mikil spenna liggur í loftinu“

„Mikil spenna liggur í loftinu í aðdraganda komandi kjarasamninga og í hvaða farveg þeir munu fara,“ segir Guðmundur Ragnarsson, formaður Félags vélstjóra og málmtæknimanna.

Hann fjallaði um helgina um undirbúning kjarasamninga í pistli á vefsíðu VM og segir að í umræðunni sé velt upp ýmsum hugmyndum um samráð, „um einhverskonar kreppusamning til langs tíma með aðkomu allra, stjórnvalda, Alþingis, atvinnurekenda og launafólks“.

Á kjararáðstefnu í október kom fram að meiri áhugi var fyrir prósentuhækkunum en krónutöluhækkunum og að VM færi fram sem einn og óháður aðili í komandi kjaraviðræður.