Muna að skafa af rúðunum

Lögreglan á Selfossi biður ökumenn að kanna ástand bifreiða sinna áður en haldið er af stað út í umferðina. Enginn ökumaður eigi að aka af stað nema vera með tryggt útsýni út úr bifreiðinni. Eins og meðfylgjandi ljósmynd sýnir er útsýni ekkert út um bílrúðuna. Hér er um raunverulegt dæmi að ræða þar sem ökumaður var stöðvaður í akstri á Austurvegi á Selfossi í gærkvöldi.

Ökumaður bar því við að hann hefði ekki verið með sköfu í bifreiðinni en verið á leið til að kaupa hana. Sekt við broti sem þessu er 5000 krónur.

• 1 blogg um fréttina

Bloggað um fréttina

• Njörður Helgason: Umferðarsóðar.