Jón Ásgeir Jóhannesson, kaupsýslumaður, segist ekki hafa verið boðaður í yfirheyrslu hjá sérstökum saksóknara í dag, enda snúi rannsókn embættisins ekki að honum persónulega.

Jón Ásgeir staðfesti við mbl.is að húsleit hafi verið framkvæmd í húsakynnum 101 Hótels við Hverfisgötu. Hótelið er í eigu Jóns Ásgeirs og eiginkonu hans, Ingibjörgu S. Pálmadóttur.

Sérstakur saksóknari réðst í húsleit á 10 mismunandi stöðum samtímis í dag og tók fjölda manns í yfirheyrslu. Aðgerðirnar í dag voru vegna fimm mála sem eru til rannsóknar hjá embættinu og tengjast lánveitingum Glitnis. Fram hefur komið að húsleitir hafa meðal annars verið gerðar á skrifstofu Pálma Haraldssonar, kaupsýslumanns og heimili Lárusar Welding, fyrrum forstjóra Glitnis. 

Rannsókn málsins er mjög umfangsmikil og hefur staðið yfir í langan tíma. Samkvæmt upplýsingum frá embætti sérstaks saksóknara eru eftirfarandi mál til rannsóknar:

• Lánveitingar til félagsins Stíms ehf., sem tengdust viðskiptum með hlutabréf í Glitni og FL Group.
• Lánveitingar til félagsins FS-38 ehf til kaupa á Aurum Holding Ltd. af Fons hf.
• Lánveitingar til Stoða hf. (síðar Landic Properties), Baugs hf. og 101 Capital ehf. í tengslum við kaup á danska fasteignafélaginu Keops A/S.
• Kaup fagfjárfestasjóðsins GLB FX, sem var í vörslu Glitnis, á skuldabréfi af Saga Capital en bréfið var útgefið af Stími. 
• Kaup Glitnis á hlutabréfum í Tryggingamiðstöðinni.
  

Jón Ásgeir Jóhannesson. Kristinn Ingvarsson

Tengdar fréttir

Aurum Holding-málið

Aurum Holding ekki fyrir Hæstarétt

• Feginn að komið sé að endimörkum
• 59 milljónir falla á ríkissjóð
• Allir sýknaðir í Aurum-málinu
• „Ég er bara lítill fjárfestir“

» Fleiri tengdar fréttir

• 4 blogg um fréttina

Bloggað um fréttina

• Sverrir Stormsker: Litli grísinn
• Heimir Lárusson Fjeldsted: Farið hefur fé betra
• Axel Jóhann Axelsson: Jón Ásgeir og Pálmi eru sannir englar
• Þráinn Jökull Elísson: O seiseinei.