Lög um ábyrgðarmenn andstæð stjórnarskrá

Hæstirétt­ur seg­ir að lög, sem sett voru á Alþingi á síðasta ári um ábyrgðar­menn, séu and­stæð eign­ar­rétt­ar­á­kvæði stjórn­ar­skrár­inn­ar. Staðfesti Hæstirétt­ur dóm Héraðsdóms Suður­lands um tveir ábyrgðar­menn láns skuli greiða Spari­sjóði Vest­manna­eyja rúma 1 millj­ón króna.

Um var að ræða sjálf­skuld­arábyrgð á láni en fólkið hélt því fram að ábyrgð þess væri ekki leng­ur fyr­ir hendi vegna breyt­inga, sem gerðar á lög­um um ábyrgðamenn. Dóm­ur­inn taldi lög­in hins veg­ar ekki aft­ur­virk.

Upp­haf máls­ins er, að kona á fimm­tugs­aldri, sem er 75% ör­yrki, fékk út­gefið skulda­bréf upp á eina millj­ón árið 2006 en lenti strax á því ári í van­skil­um með það. Móðir kon­unn­ar og bróðir voru ábyrgðar­menn henn­ar.

Kon­an fékk greiðsluaðlög­un á síðasta ári og voru all­ar samn­ings­kröf­ur gefn­ar eft­ir að fullu, þar á meðal kröf­ur Spari­sjóðs Vest­manna­eyja á hend­ur henni. Sjóður­inn taldi hins veg­ar að ábyrgð ábyrgðarmann­anna væri ekki fall­in niður og höfðaði  mál á hend­ur þeim þegar þeir neituðu að greiða. 

Hæstirétt­ur seg­ir, að kröfu­rétt­ur spari­sjóðsins á hend­ur ábyrgðarmönn­un­um nyti vernd­ar eign­ar­rétt­ar­á­kvæðis stjórn­ar­skrár­inn­ar og þau rétt­indi yrðu ekki skert án bóta með aft­ur­virkri íþyngj­andi lög­gjöf.

• 5 blogg um frétt­ina

Bloggað um frétt­ina

• Páll Vil­hjálms­son: Samn­ing­ar skulu standa - ekki bara stund­um
• Sig­urður Sig­urðsson: Vont er þeirra rang­læti en verra þeirra rétt­læti.
• Marinó G. Njáls­son: Klúður Árna Páls - 39% út­lána bank­anna í van­skil­um
• Axel Jó­hann Ax­els­son: Svíðings­verk Spari­sjóðs Vest­manna­eyja
• Sig­urður Jóns­son: Æ, mik­il skömm er að vinnu­brögðum Spari­sjóðsins.