Um 30% búin að kjósa

Um 30% höfðu kosið í kosningum til stjórnlagaþings í Reykjavík kl. 20 í kvöld. Þetta er mun dræmari kosningaþátttaka en í þjóðaratkvæðagreiðslunni um Icesave-lögin í fyrravetur þegar um 50% kjósenda höfðu kosið á sama tíma.

Kl. 20 var kosningaþátttaka í Reykjavík-norður rúmlega 28%, en var 48% í kosningunum um Icesave-lögin á sama tíma. Í Reykjavík-suður höfðu tæplega 31% kosið en 52% í kosningunum um Icesave.

Katrín Theodórsdóttir, sem á sæti í kjörstjórn í Reykjavík, sagði að kjörsókn hefði heldur glæðst eftir því sem leið á kvöldið, en þetta væri samt dræm kosningaþátttaka.

Um kl. 16 stefndi í að kosningaþátttakan yrði helmingi lélegri en í kosningunum um Icesave-lögin í fyrravetur, en nú hefur munurinn minnkað.

• 3 blogg um fréttina

Bloggað um fréttina

• Kristinn Karl Brynjarsson: Þýðir dræm kosningaþátttaka að þjóðin vilji ekki breytingar?
• Haraldur Haraldsson: Um 30% búin að kjósa/ hvað segir þetta okkur ?????
• Stefán Friðrik Stefánsson: Þjóðin kýs ekki - feitt flopp vinstristjórnarinnar