Minnst þátttaka í Suðurkjördæmi

Minnst kosningaþátttaka var í Suðurkjördæmi eða 29,2%, en mest var hún í Reykjavík-suður 41,15%. Kosningaþátttaka á landinu öllu var 35,97%, að því er kemur fram í tilkynningu frá landskjörstjórn.

Samtals kusu 83.576 í kosningum til stjórnlagaþings, en 232.374 voru á kjörskrá. Kosningaþátttaka í einstökum kjördæmum var eftirfarandi:

Norðausturkjördæmi 30,46%,

Norðvesturkjördæmi 32,71%,

Reykjavík-norður 39,4%,

Reykjavík-suður 41,15%,

Suðurkjördæmi 29,2%,

Suðvesturkjördæmi 37,08%.

Stefnt er að því að kynna úrslit kosninganna annað kvöld. Þá kemur í ljós hvaða 25 einstaklingar hafa verið kosnir til að sitja á stjórnlagaþingi, en það á að koma saman í byrjun næsta árs til að fjalla um stjórnarskrána.

• 1 blogg um fréttina

Bloggað um fréttina

• Hilmar Sigurðsson: Jæja !