Leiðin styttist um 26 km

Nýja Hvítárbrúin við Bræðratungu verður opnuð fyrir almenna umferð á morgun, en verkinu á að vera að fullu lokið 15. júní á næsta ári.

Brúin tengir saman Biskupstungur og Hrunamannahrepp og með henni styttist vegurinn milli Flúða og Reykholts um 26 km.

Steinn Leó Sveinsson, verkefnisstjóri hjá Ræktunarsambandi Skeiða og Flóa, sem sér um verkið, segir að með þessu opnist í raun hringur sem komi ferðaþjónustunni til góða. „Þetta verður bylting,“ segir hann.