Eitt af því sem hef­ur tafið taln­ingu at­kvæða í kosn­ingu til stjórn­lagaþings er að borð sem notuð voru í kjör­klef­um í Laug­ar­dals­höll eru hru­fótt.

Það hef­ur leitt til þess að skann­ar, sem notaðir eru við taln­ingu at­kvæða, skynja ekki þær töl­ur sem eru á sum­um at­kvæðaseðlum þó að ekk­ert fari á milli mála hvað stend­ur á seðlun­um.

Þetta er þó ekki megin­á­stæðan fyr­ir því að taln­ing­in hef­ur reynst tíma­frek held­ur hitt að mjög marg­ir at­kvæðaseðlar eru ógild­ir að hluta. Alls eru þess­ir seðlar liðlega 10 þúsund eða um 13% af öll­um at­kvæðum sem greidd voru í kosn­ing­un­um.

Í um­fjöll­un í Morg­un­blaðinu í dag seg­ir, að ástæður þess að meðhöndla þarf þessa seðla sér­stak­lega séu nokkr­ar. Til dæm­is komi töl­ur fram­bjóðenda tvisvar fyr­ir, þar sé að finna rang­ar töl­ur (sem ekki eru til), auðar lín­ur á seðlum eða ekki sé skýrt hvaða töl­ur kjós­andi skrifaði niður.

Tengd­ar frétt­ir

Stjórn­lagaþing

Fleiri karl­ar en kon­ur kusu

• Boða fund að viku liðinni
• Aðeins ræst úr kjör­sókn
• 33% kosið í Garðabæ kl. 17
• Fimm fram­bjóðend­ur skiluðu upp­gjöri

» Fleiri tengd­ar frétt­ir