Fagna opnun Hvítárbrúar
Umferð var hleypt á Hvítárbrúna við Bræðratungu í dag.
mbl.is/Sigurður Sigmundsson
Setja bókamerki
Nýja Hvítárbrúin var opnuð fyrir umferð í dag og ætla íbúar í Hrunamannahreppi og Bláskógabyggð að hittast við brúna og gera sér glaðan dag milli kl. 15 og 17.
Tungnakonur búsettar í hreppnum og JÁ verk ætla að bjóða upp á kaffi og kleinur í vinnubúðunum vestan megin árinnar en gestum og gangandi er annars bent á að þeir geti gert það sem þeim dettur í hug á þessum tímamótum.
Formleg opnun Hvítárbrúar verður síðan að loknum framkvæmdum næsta sumar. Nýja brúin tengir betur saman Biskupstungur og Hrunamannahrepp og þar á meðal Reykholt og Flúðir. Leiðin þar á milli styttist um 26 km og verður um 10 km.
Brúin kemur í kjölfar nýs vegar á milli Þingvalla og Laugarvatns og er 270 metrar að lengd.
Beint: Ný ríkisstjórn tekin við völdum
Skattamál verði líklega „þeirra mesta klemma“
„Börn heima sem maður myndi vilja hafa í skjóli“
Alvarleg netárás á Wise
„Tímabil aukinnar eldvirkni“
Funda með þingflokkum
Hrikalegt að heyra fréttirnar
