Yfir 60% óánægð með störf forsætisráðherra
Setja bókamerki
Vinsældir sex ráðherra ríkisstjórnarinnar hafa minnkað frá því í mars sl. Þetta kemur fram í nýjum þjóðarpúlsi Gallup. Meðal þeirra ráðherra sem missa vinsældir er Jóhanna Sigurðardóttir, forsætisráðherra. Tæplega 21% aðspurðra sögðust ánægð með störf hennar en 63% óánægð.
Greint frá frá niðurstöðum þjóðarpúlsins í kvöldfréttum Sjónvarpsins. Þar kom fram að Katrín Jakobsdóttir, menntamálaráðherra, er vinsælust ráðherranna en Árni Páll Árnason, efnahags- og viðskiptaráðherra, óvinsælastur. Rúmlega 30% aðspurðra sögðust ánægð með störf Katrínar en 38% óánægð. Hins vegar sögðust aðeins 12% ánægð með störf Árna Páls og 65% óánægð.
Stuðningsmönnum Steingríms J. Sigfússonar, fjármálaráðherra, fækkar einnig, en 31% eru ánægð með störf hans en 55% óánægð. Í sambærilegri könnun í mars kváðust 41% ánægð með störf hans.
„Mér finnst gamla Samfylkingin komin aftur“
„Börn heima sem maður myndi vilja hafa í skjóli“
Barn lést í árásinni
Fyrsti blaðamannafundurinn í heild sinni
Ók á hóp fólks á jólamarkaði: Einn látinn
„Þetta er ríkisstjórn almannahagsmuna“
Forstjóri bendir á ábyrgð birgja vegna verðhækkana
