Afnema víxlverkun bóta og tekna

Stjórnvöld og lífeyrissjóðir hafa undirritað viljayfirlýsingu um að koma í veg fyrir víxlverkanir örorkubóta og lífeyrissjóðstekna öryrkja. Yfirlýsingin felur í sér að víxlverkanir milli örorkubóta almannatrygginga og lífeyrissjóðstekna verða aftengdar í þrjú ár.

Áhrif atvinnutekna öryrkja á bætur og greiðslur úr lífeyrissjóðum verða hins vegar óbreytt.

Þetta kemur fram í yfirlýsingu frá Félags- og tryggingamálaráðuneytinu.

Frítekjumark ellilífeyrisþega er nú 10 þúsund krónur á mánuði, en verður hækkað í þremur áföngum, þeim fyrsta árið 2013 og þeim síðasta í ársbyrjun 2015. Að hækkun lokinni verður frítekjumarkið orðið hið sama og hjá öryrkjum, eða 27.400 krónur á mánuði. Heildarkostnaður ríkissjóðs vegna hækkunar frítekjumarksins er áætlaður tæpir 1,9 milljarðar, sem dreifast á árin 2013-2015

Úrbætur fyrir örorku- og ellilífeyrisþega

• 4 blogg um fréttina

Bloggað um fréttina

• Haraldur Haraldsson: Afnema víxlverkun bóta og tekna/auðvitað ber að meta það sem …
• Sindri Karl Sigurðsson: Víxilverkanir
• Sigurjón Þórðarson: Ríkisstjórnin lofar öldruðum og öryrkjum aðgerðum á næsta kjörtímabili
• Ómar Ragnarsson: Kominn tími til að skilja hlutina.