Öll olíufélögin búin að hækka

Öll olíufélögin hafa hækkað eldsneytisverð í dag og er þetta í annað skiptið á innan við viku sem eldsneyti hækkar í verði. Nemur hækkunin í dag þremur til fjórum krónum. Samkvæmt upplýsingum frá olíufélögunum skýrist hækkunin í dag af mikilli hækkun á innkaupaverði eldsneytis undanfarnar vikur.

Lítrinn af bensíni og dísil er ódýrastur hjá Orkunni og kostar hann 203,50 krónur. Atlantsolía selur lítrann á 203,60 en hjá ÓB kostar eldsneytið 204,40 krónur á lítrann. 

Hjá N1 og Olís kostar lítrinn 204,60 krónur en dýrastur er dropinn hjá Skeljungi, 205,60 krónur lítrinn. Alls staðar er sama verð á bensíni og á dísil. 

• 4 blogg um fréttina

Bloggað um fréttina

• Gunnar Heiðarsson: Verðsamráð
• Jón Aðalsteinn Jónsson: Strax farin að fá aurinn til baka
• Hörður Sigurðsson Diego: Nei, nú leggur maður bílnum.
• Haraldur Haraldsson: Öll olíufélögin búin að hækka/samráð kallast þetta á góðu máli!!Dollar …