Rannsókn á fangaflugi til að grafa undan Steingrími J. Sigfússyni

Þegar Ingibjörg Sólrún Gísladóttir, þáverandi utanríkisráðherra, ákvað að rannsaka skyldi hvort  svokallað fangaflug Bandaríkjamanna tengdist Íslandi átti íslenskur embættismaður samtal við bandaríska sendiráðið.

Í gögnum frá 13. júlí 2007 er haft eftir embættismanninum að rannsókn á fangaflugi bandarísku leyniþjónustunnar, CIA, og millilendingum á Íslandi þjónaði fyrst og fremst innanlandspólitískum markmiðum og þá að grafa undan Steingrími J. Sigfússyni, sem hafði deilt harðlega á stjórnvöld vegna málsins. Tilgangurinn væri einnig að koma í veg fyrir að málið gæti valdið utanríkisráðherra meiri vandræðum. Mestu máli skipti að láta eins og eitthvað væri verið að gera.  Samkvæmt heimildum Morgunblaðsins kemur þetta fram í bandarísku sendiráðsskjölunum, sem lekið var til WikiLeaks.

Annars staðar er fjallað um framboð Íslands til sætis í öryggisráði Sameinuðu þjóðanna. Þar kemur fram að bandarísk stjórnvöld töldu að Íslendingar væru í meginatriðum sammála um helstu forgangsmál Bandraíkjamanna á vettvangi Sameinuðu þjóðanna. Töldu þeir að þeir myndu geta átt gott samstarf við Íslendinga næðu þeir kjöri þrátt fyrir nokku ágreiningsmál á borð við Kúbu, Ísrael og Írak.

Ingibjörg Sólrún Gísladóttir og Steingrímur J. Sigfússon.

• 2 blogg um fréttina

Bloggað um fréttina

• Svanur Gísli Þorkelsson: Sýndarveruleiki stjórnmálanna
• Jón Pétur Líndal: Aular og undirlægjur.