Loðnan hentar vel til frystingar

Börkur NK-122 landaði í gær fyrsta loðnufarmi vertíðarinnar í fiskiðjuver Síldarvinnslunnar, alls rúmum 400 tonnum. Loðnan er átulaus og um 16% feit og hentar vel hvort heldur til frystingar á A-Evrópu eða til mjöl- og lýsisframleiðslu.

Eins og staðan er núna er eftirspurn eftir frosinni loðnu með minnsta móti og eingöngu hægt að nýta allra stærstu loðnuna til frystingar. Rúmlega þriðjungur aflans fór í frystingu en rest til mjöl- og lýsisvinnslu. Börkur NK hélt aftur til loðnuveiða seinni partinn í gær, segir á vef Síldarvinnslunnar.

Beitir NK-123 kom með síldarfarm úr Breiðafirði til frystingar í gærkvöldi og er hún öll unnin á hefðbundna markaði. Reiknað er með að skipið fari einn síldartúr enn í Breiðafjörðinn og skipti síðan yfir á loðnu.

• 1 blogg um fréttina

Bloggað um fréttina

• Gísli Foster Hjartarson: Glæsilegt