Gera athugasemd við leka til fjölmiðla

PricewaterhouseCoopers (PwC) gerir alvarlega athugasemd við þau vinnubrögð að rannsóknarskýrslum opinbers aðila um Glitni banka og Landsbankann, er m.a. varða starfsheiður PwC, sé komið í hendur fjölmiðla til umfjöllunar án þess að PwC hafi verið kynnt efni skýrslnanna. Þetta kemur fram í tilkynningu frá fyrirtækinu.

„PwC er því ómögulegt að svara þeim alvarlegu ásökunum sem látið er í veðri vaka að komi þar fram.
 Af hálfu embættis sérstaks saksóknara og rannsóknaraðila á hans vegum hefur ekki verið haft samband við PwC vegna rannsóknar fyrirliggjandi gagna. PwC hefur í dag farið þess á leit við sérstakan saksóknara að fá einnig aðgang að rannsóknarskýrslunum.

Efnislegum athugasemdum verður svarað á réttum vettvangi en PwC áréttar að endurskoðunarvinna félagsins var í fullu samræmi við starfsskyldur endurskoðenda," segir enn fremur í tilkynningu frá PwC.

Sjá frétt í morgun 

• 2 blogg um fréttina

Bloggað um fréttina

• Guðmundur Ásgeirsson: Birtið "gögn sem fréttastofa hefur undir höndum" !
• Jón Ingi Cæsarsson: Munu svara til saka fyrir dómstólum.