Stærsta ágreiningsmálið í Icesave-samningunum er krafa Breta um að fá hlutdeild í vöxtum og betri heimtum eigna gamla Landsbankans, samkvæmt heimildum Morgunblaðsins.

Íslenska samninganefndin hefur ekki fallist á þessa kröfu. Mun vera tekist á um 15-20 milljarða króna í því efni, að því er fram kemur í umfjöllun um Icesave-málið í Morgunblaðinu í dag.

Íslenska samninganefndin fór í gær til viðræðna við Breta og Hollendinga í London með það að markmiði, samkvæmt heimildum blaðsins, að nefndarmenn gætu sett stafi sína undir samningsdrög sem væntanlega yrðu nefnd viljayfirlýsing. Seint í gærkvöldi var ekki komin niðurstaða og ekki afráðið hvernig fundarhöldum yrði háttað í dag.

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir