Með kalsár á Suðurpólnum

Pólfararnir Gunnar Egilsson og Ástvaldur Guðmundsson eru komnir aftur á Suðurpólinn og eru á heimleið eftir að hafa ekið að Ross-íshellunni. Á Facebook-síðu sinni segir Gunnar frá því að hann hafi fengið kalsár í gær sem verið sé að meðhöndla. Gera þeir félagar ráð fyrir að koma af pólnum á tilsettum tíma.

Á Facebook-síða sínar skrifar Gunnar í dag:

„Við erum komnir á Suður Pólinn aftur. Ferðin gekk ágætlega, ekið var í   einum rykk og skipst á með aksturinn. Það var leiðinda veður á okkur á  leiðinni og þæfingsfæri  en við höfðum trakkið okkar svo ekki þurfti að hafa eins mikinn vara á sér gagnvart  sprungum og ójöfnum. Við  höfum  þurft að afskrifa nokkra  varahluti á leiðinni, en það er nú víst í  tísku þessar afskriftir hjá Íslendingum svo  við sýtum það nú ekki. Erum t.d. á síðustu viftureimunum og varadekkið er komið undir ásamt fleira góssi.

Kalsárið sem ég fékk á fótinn hefst bærilega við og er í meðhöndlun svo ég  reyni að hemja mig og vera eins lítið úti við og hægt er. Ekki alveg minn stíll ;o/

Við gerum ráð fyrir að fara héðan á morgun í áttina að Union Glacier og enn erum við að vona að við náum að fara af ísnum á áætluðum degi.“

• 1 blogg um fréttina

Bloggað um fréttina

• Ómar Ragnarsson: Alveg nýr heimur.