Mikil átök hjá VG

Til­laga þeirra frá VG sem gera ráð fyr­ir að niður­skurður fjár­laga vegna heil­brigðis­kerf­is­ins nemi um 1,6 millj­örðum króna um­fram það sem áætlað er í fjár­laga­frum­varpi Stein­gríms J. Sig­fús­son­ar, fjár­málaráðherra, er enn mikið átaka­mál inn­an VG, sam­kvæmt heim­ild­um Morg­un­blaðsins.

Árni Þór Sig­urðsson, starf­andi formaður þing­flokks Vinstri grænna tel­ur ekki að til meiri­hátt­ar ágrein­ings hafi komið á þing­flokks­fundi VG í gær. Aðspurður um hita­fund seg­ir hann: „Ja, mér var ekk­ert heitt.“

Atli Gísla­son tek­ur und­ir að ekki hafi verið nein átök á fund­in­um. „Það voru bara hrein­skipt­in skoðana­skipti.“ Hann vildi að öðru leyti ekki tjá sig fyrr en málið hefði verið út­kljáð.