Óveður víða um land

Vegir eru auðir á Suðurlandi en þar er vaxandi vindur og sumstaðar orðið nokkuð hvasst. Óveður er undir Eyjafjöllum. Svipað ástand er á Vesturlandi, auðir vegir en sumstaðar hvasst. Óveður er á Kjalarnesi og í Staðarsveit, samkvæmt upplýsingum frá Vegagerðinni.

Á  Vestfjörðum eru vegir að mestu auðir en farið er að élja austan til.

Éljagangur er á Norðurlandi vestra og víða hálkublettir. Töluvert meiri úrkoma er við Eyjafjörð og í Þingeyjasýslum. Stórhríð er á Mývatnsöræfum og Hólasandi. Þá er óveður á Melrakkasléttu og með ströndinni að Vopnafirði.

Það er stórhríð á Vopnafjarðarheiði og óveður á Vatnsskarði eystra.  Enn er mjög blint á Fjarðarheiði og mokstur í biðstöðu. Annars er víða skafrenningur á Austurlandi og leiðinlegt ferðaveður þótt vegir séu færir.

Óveður er á Suðausturlandi, frá Djúpavogi og alveg vestur undir Eyjafjöll.

• 2 blogg um fréttina

Bloggað um fréttina

• Haraldur Haraldsson: Óveður víða um land/versnar þegar á dagin líður,ber að fara …
• Sigurður Fannar Guðmundsson: Óveður er afstætt