Óveður við suðurströndina

Hífandi rok er nú í Vestmannaeyjum og austan 37 m/s og 45 m/s í hviðum á Stórhöfða. Nokkurs öskufjúks gætir í Eyjum. Að sögn Vegagerðarinnar er óveður undir Eyjafjöllum, sunnan við Vík og í Öræfum. Veðurstöð á Steinum undir Eyjafjöllum sýndi 48 m/s vindhviður í morgun.

Lögreglumaður í Vestmannaeyjum sagði að þar hafi snjóað upp úr klukkan þrjú í nótt og Heimaey klæddist hvítum skrúða. Veðrið rauk síðan upp um klukkan sjö í morgun. Lögreglumaðurinn sagði að þá hafi mátt sjá gráma á snjónum. Hann sagði að askan bærist líka inn í hús með skóm.

• 2 blogg um fréttina

Bloggað um fréttina

• Pálmi Freyr Óskarsson: Veðrið í Vestmannaeyjum kl.7-9 23. des. 2010
• Njörður Helgason: Aska yfir byggðir.