Tafir á sjúkraflugi vegna veðurs

Sjúkraflugvél Mýflugs lenti í Reykjavík um hálf sexleytið í kvöld með slasaða konu frá Ísafirði. Konan, sem er á níræðisaldri, hafði mjaðmagrindarbrotnað og þurfti að gangast undir aðgerð á Landspítalanum í Reykjavík.

Miklar tafir urðu á fluginu vegna veðurs en að sögn Braga Má Matthíassyni aðstoðarflugstjóra átti vélin að fara í loftið um hálf ellefuleytið í morgun. Veðrið gekk niður um þrjúleytið í dag og fór vélin í loftið þegar klukkuna vantaði 15 mínútur í fjögur

Að sögn Braga gekk flugið vel og varð konunni ekki meint af.

• 1 blogg um fréttina

Bloggað um fréttina

• Ómar Ragnarsson: Sérstaða Vestfjarða enn og aftur.