Póstkössum verður læst

Íslandspóstur mun um áramótin læsa póstkössum sem eru utanhúss á höfuðborgarsvæðinu yfir áramót. Þetta er gert vegna ítrekaðra skemmdarverka sem unnin eru á póstkössunum á þessum árstíma.

Að sögn Íslandspósts verður hægt  að koma einu bréfi ofan í kassana í einu en ekki opna þá það mikið að hægt sé að koma þykkari bréfum ofan í. Viðskiptavinum er bent á næstu pósthús eða póstkassa sem staðsettir eru innandyra, t.d. í verslanamiðstöðvum. 

Kössunum verður læst í dag, 27. desember og þeir opnaðir aftur um miðjan janúar.

• 1 blogg um fréttina

Bloggað um fréttina

• Haraldur Haraldsson: Póstkössum verður læst/það á bara að hafa opið pósthús þarna …