Níu ára ökumaður

Lögreglan í Fjallabyggð stöðvaði för ungs ökumanns eftir hádegið í dag eftir að hafa fylgt bifreið unga ökumannsins eftir í gegnum Héðinsfjarðargöngin. Í ljós kom að ökumaðurinn var aðeins níu ára gamall og var það afi hans á níræðisaldri sem hafði leyft stráksa að keyra frá Héðinsfirði til Siglufjarðar. 

Að sögn lögreglunnar þótti honum ökulag bifreiðarinnar eitthvað rykkjótt og ákvað hann að kanna málið. Þegar hann stöðvaði för bifreiðarinnar sá hann lítinn pilt stökkva úr ökumannssætinu aftur í. Aftur á móti sat afi piltsins í framsæti bifreiðarinnar og viðurkenndi að hafa leyft drengnum, sem með réttu ætti að sitja á púða aftur í, að keyra. 

• 6 blogg um fréttina

Bloggað um fréttina

• .: Ég á ekki orð......
• Njörður Helgason: Fjölgun vegfarenda.
• Axel Jóhann Axelsson: Siglfirðingar byrja ungir og hætta seint
• Ingibjörg Magnúsdóttir: Því fyrr sem krakkar fá að keyra alvöru bíl, því …
• Anna Guðný : Þeir byrja snemma
• Pálmi Hamilton Lord: eitt er víst