„Missa sig í spunanum“

Sigmundur Davíð Gunnlaugsson, formaður Framsóknarflokksins, segist á samskiptavefnum Facebook í kvöld hafa séð nokkrar furðufréttir, og víst sé að einhverjir séu að „missa sig í spunanum“. Þingmaður sama flokks segir á sama vettvangi, að flokkurinn sé ekki á leið í ríkjandi ríkisstjórn.

Á vef Sigmundar segir hann að furðufréttirnar toppi þó frétt um „kenningar Samfylkingarmanns á Akureyri um Framsókn og atvinnuvegaráðuneytið.“ Hún breyti því þó ekki að löngu sé orðið augljóst að nýja ríkisstjórn þurfi.

Gunnar Bragi Sveinsson, flokksbróðir Sigmundar Davíðs, lætur einnig til sín taka á Facebook. Hann segir að Framsóknarflokkurinn geti ekki orðið viðhengi við núverandi ríkisstjórn. „Stefnan er slík og forystuleysið er algert. Framsóknarflokkurinn er því EKKI á leið í þessa ríkisstjórn.“

Hins vegar segir Gunnar Bragi að öðru máli skipti um að taka þátt í viðræðum um myndun nýrrar ríkisstjórnar. Á það hafi þó ekki reynt.

Gunnar Bragi Sveinsson Ómar Óskarsson

• 6 blogg um fréttina

Bloggað um fréttina

• Sigurjón Þórðarson: Sigmundur Davíð er of dýr Neyðarkall
• Jóhann Elíasson: VONANDI ER ÞETTA SATT OG RÉTT HJÁ HONUM................
• Kristinn Karl Brynjarsson: Ekkert ólíklegra en margt annað.
• Magnús Þór Jónsson: Eru skapadægur að renna upp?
• Gunnar Heiðarsson: Vonandi stendur Sigmundur Davíð við stóru orðin !!
• Ómar Ragnarsson: Sjaldnar bætt við en ekki.