Hættum þessu karpi

„Ég held að þjóðin sé að biðja um að við hættum þessu karpi," sagði Jóhanna Sigurðardóttir, forsætisráðherra, í Kryddsíld Stöðvar 2.

Kristján Már Unnarsson, fréttastjóri, sem stýrði umræðum, hafði spurt Jóhönnu hvort ekki þyrfti að bæta orðræðuna í opinberri umræðu, bæði í stjórnmálum og á netinu.

Jóhanna sagði, að stjórnmálaflokkarnir þyrftu að breyta vinnubrögðum og unnið hefði verið að því í þinginu og stjórnarráðinu. Þá hefði orðið breyting innan stjórnmálanna og samvinna hefði aukist eins og m.a. hefði sést í Icesave-málinu.

Þór Saari, þingmaður Hreyfingarinnar, gaf lítið fyrir tal um umbætur í stjórnkerfinu og sagði að þær væru aðeins andlitslyfting; raunverulegar lýðræðisumbætur skorti. Sagði hann að  Jóhanna og Steingrímur J. Sigfússon, fjármálaráðherra, hefðu verið samanlagt í 60 ár á þingi og það þyrfti að koma inn nýtt fólk.

Bjarni Benediktsson, formaður Sjálfstæðisflokks sagði, að á síðasta ári hefði verið hávær krafa um að orðræðan yrði skárri árið 2010. Hún hefði hins vegar lítið breyst og enn væri verið að glíma við sömu vandamálin og á því ári. 

• 8 blogg um fréttina

Bloggað um fréttina

• Sigurður Jónsson: Bjarni stóð sig best í Kryddsíldinni. Misheppnaður brandari hjá Jóhönnu.
• Jón Pétur Líndal: Árið fór til spillings, vona að völvuspáin gangi eftir.
• Jóhannes Ragnarsson: Hugleiddu það Jóhanna Sigurðardóttir
• Heimir Lárusson Fjeldsted: Davíð er Jóhönnu hugleikinn við áramót
• Jón Ólafur Vilhjálmsson: Talar með tungum tveim og sitt með hvorri elsku kerlingin.
• Elís Már Kjartansson: Hættu þessu jarmi þá rollan þín.
• Sigurður Haraldsson: Já þá verðið þið að hætta!
• Jóhann Elíasson: Á ÞETTA ÞÁ BARA VIÐ UM STJÓRNARANDSTÖÐUNA?????????????