RÚV útnefnir Svavar fréttamann ársins

Fréttastofa Ríkisútvarpsins valdi í dag Svavar Halldórsson fréttamann ársins 2010.

Fram kemur á vef Ríkisútvarpsins, að Óðinn Jónsson, fréttastjóri, hafi þakkað Svavari á fundi í hádeginu fyrir mikil og góð störf á árinu og um leið var hann hvattur til frekari dáða.

Segir á vefnum að Svavar hafi vakið verðskuldaða athygli fyrir fréttir sínar og ekki farið varhluta af harkalegum viðbrögðum þeirra sem hann hefur fjallað um.

Bæði Pálmi Haraldsson og Jón Ásgeir Jóhannesson hafa stefnt Svavari vegna frétta sem hann hefur flutt af viðskiptum þeirra. 

• 2 blogg um fréttina

Bloggað um fréttina

• S i g u r ð u r S i g u r ð a r s o n: Rúv velur sjálft sig í innanfélagsmótinu
• Heimir Lárusson Fjeldsted: Svavar á í höggi við æru- og eignaþjófa