Skartgriparán í Vestmannaeyjum

Innbrot var framið í Gull- og silfurverslun Steingríms Benediktssonar við Vestmannabraut í Vestmannaeyjum í nótt.

Sýningargluggi verslunarinnar var brotinn og allt sem í honum var tekið, sem voru úr og skartgripir.

Ekki er vitað hvenær nætur brotist var inn í verslunina, en árvökulir vegfarendur áttu leið hjá versluninni um klukkan fimm í nótt og tilkynntu lögreglu um verknaðinn.

Þeir sem telja sig hafa einhverjar upplýsingar um þjófnaðinn eru beðnir um að gefa sig fram við lögregluna í Vestmannaeyjum.

Nokkur ölvun var í Vestmannaeyjum í nótt, að sögn lögreglu. Eitthvað var um lítilsháttar pústra og áflog.

• 1 blogg um fréttina

Bloggað um fréttina

• Gísli Foster Hjartarson: Hvaða helvíti...... Mun þetta aukast?