Björgunarsveitir í viðbragðsstöðu

Vonskuveður er um mest allt land og er fólk varað við að vera á ferð að nauðsynjalausu. Björgunarsveitir á Suðurnesjum voru í kvöld settar í viðbragðastöðu. Óttast er að flóð geti valdið tjóni í fyrramálið en þá er stórstreymt.

Verst er veðrið um norðan- og austanvert landið. Norðan stórhríð er um norðanvert landið spáð er svipuðu veðri í nótt. Mjög hvassir vindstrengir eru sunnan fjalla á sunnanverðu landinu, einkum suðaustan til.

Á Vestfjörðum er stórhríð á Klettshálsi, Þröskuldum og Steingrímsfjarðarheiði en einnig á Gemlufallsheiði og bæði í Önundarfirði og Súgandafirði.

Á Austurlandi er sömuleiðis meira og minna ófært bæði vegna vonskuveðurs og snjóa. Mjög blint er og erfitt fyrir ökumenn að sjá veginn.

Bílar fóru út af veginum í Eyjafirði í kvöld og björgunarsveitir þurftu að aðstoða ökumenn á Austurlandi.

• 1 blogg um fréttina

Bloggað um fréttina

• Sigurður Haraldsson: Mannskaðaveður!