Íslandsbanki hættir að senda út yfirlit

Íslandsbanki hefur ákveðið að hætta útsendingu reikningsyfirlita til einstaklinga í viðskiptum við bankann.  Yfirlitin verða aðgengileg öllum viðskiptavinum í netbanka, en þeir viðskiptavinir sem óska þess sérstaklega geta fengið yfirlitin prentuð út og send á pappir.

Bankinn segir, að þetta sé gert til þess að spara kostnað auk þess sem Íslandsbanki leggi áherslu á að vera umhverfisvænn vinnustaður. Bæði sparist töluverður kostnaður auk þess sparnaðar sem verði í pappírsmagni og þeirra jákvæðu áhrifa sem slíkur sparnaður hefur á umhverfið. 

Árið 2009 ákvað bankinn að taka upp nýtt prentkerfi fyrir starfsemi bankans, sem hefur leitt til 18,5 tonna sparnað í prentuðu magni á pappír og verulega minni rafmagnsnotkun. Samhliða þessum sparnaði sé ljóst að notkun á prenthylkjum hefur minnkað gríðarlega, með tilheyrandi sparnaði og jákvæðra umhverfisáhrifa.  Sú ákvörðun nú að hætta útsendingu reikningsyfirlita sé hluti af þessari stefnu bankans.

• 1 blogg um fréttina

Bloggað um fréttina

• Einar Guðjónsson: Er þá einhver tilgangur með starfseminni ?